Aqmescit «şeer şurası» yañı çağıruvnıñ birinci toplaşuvında reis olaraq şimdiki şeer yolbaşçısı Viktor Ageyevni sayladı.
Buña 37 deputattan 34 kişi qol tuttı, dep haber ete Qırım «akimiyetiniñ» ruporı «Krıminform» saytı.
Gizli rey berüvde Ageyevniñ yekâne raqibi KPRF deputatı Stepan Kiskin edi. O, 3 reyni qazandı.
55 yaşında Ageyev 2010 senesi Regionlar firqasınıñ namzeti olaraq saylavlarda ğalip çıqıp, Aqmescit şeer şurasınıñ reis vazifesinde buluna edi. Bundan evel o, Qırım Yuqarı Şurasınıñ sanayı, qurucılıq, transport, alâqa ve yaqar energetik kompleksi boyunca daimiy komissiyasınıñ yolbaşçısı edi.
2002-2010 seneleri Qırım parlamentiniñ deputatı olaraq saylanğan edi.
