Sentâbr 26-da Qazanda Tukay eykeli yanında Tatar cemaat merkeziniñ qırımtatarlarğa qol tutmaq içün ve Qırımtatar Milliy Meclisini siyasiy taqip etüvge qarşı piketi olıp keçti, dep haber ete Azatlıq Radiosı.
Piket iştirakçileriniñ qollarında aşağıdaki şiarlar ile levhalar oldı: «Qırımtatarlar, sizge birdemlik bildiremiz!», «Qırım 1944=2014. Genotsid tekrarlanmamaq kerek!», «Qırım ağa ve ablalarımız! Tatarlar sizlernen!», «BMT, Avropa Birligi! Qırımtatarlarnı qorumağa talap etemiz!».
Tatar cemaat areketiniñ faalleri Rusiye siyasetiniñ qırımtatarlarğa qarşı yapqanlarına menfiy munasebetlerini ifadelediler: tintüvler, Meclis ve «Avdet» gazetasını mecburen çıqaruv.
Qırım.Aqiqat malümatına köre, akimiyet qırımtatarlarğa qol tutuv mitingler ve aktsiyalar keçirilmesini ne qadar yasaq etse de, piket ötkerildi. Bu seneniñ mart ayında qırımtatarlarğa qol tutmaq maqsadında birer-birer miting keçirgen bir qaç faaline 10 biñ rublelik para cezası belgilendi.
