İşğal etilgen Aqmescitniñ soqaqtaki satıcılarını yañı para cezaları ve «halq imayesiniñ» taqımları bekley.
Bunı Aqmescit şeer yolbaşçısınıñ muavini Teyfuk Gafarov Dmitriy Ulyanov soqağındaki alış-verişni yoq etkende ayttı. Onıñ bildirgenine köre, bunıñ kibi areketler şeerdeki qanunsız ticaret problemlerini al etmege imkân bermey, dep ayttılar Aqmescit şeer yolbaşçılığınıñ matbuat hızmetinde.
«Bizler para cezalarını arttırmağa teklif etecekmiz. Bugünki miqdar – 500-2000 biñ ruble – bir kimseni qorquzmay», – dep ayttı o.
Gafarovnıñ aytqanına köre, soqaqtaki alış-veriş ile küreşke samooborona vekilleri de celp etilecek.
Bundan evel Teyfuk Gafarov Qırımtatar Milliy Meclisiniñ uquq idare yolbaşçısı edi.
