İşğal etilgen Qırımda «söz serbestligi» barmı? Öz başına ilân etilgen akimiyet işğal etilgen yarımdadan jurnalistlerni ne sebepten quva? Bu vaziyette qırımlılarğa serbest matbuat kerekmi, ve serbest matbuattan marum qalacaq yarımadanı neler bekley?
Bu aqqında 24 haber telekanalınıñ Qırım.Aqiqat yayınında tafsilâtlı malümat ala bilesiñiz. Studiya musafirleri – Qırım jurnalisti Tatyana Rihtun ve media aq-uquqları boyunca ekspert Taras Şevçenko.
Yayın sentâbr 20 künü saat 18:30 (Aqmescit vaqtı boyunca saat 19:30) ve bazar künü saat 11:30 (Aqmescit vaqtı boyunca saat 12:30) efirge çıqacaq.
Azatlıq Radiosınıñ yañı leyhası – işğal etilgen Qırım vaziyetini bilmege istegenler içün azırlanıla.
