Link açıqlığı

Qırımnıñ bütün camilerinde Qurban bayramı munasebetinen bayram namazı qılınacaq


Oktâbr 4-7 künleri Qırım musulmanları İslâm dininde eki eñ müim bayramından biri olğan Qurban bayramını qayd etecekler. Bayram Qırımnıñ bütün camilerinde qılınacaq namazından başlanacaq.

Bunı Qırım musulmanları Diniy idaresi (QMDİ) bildirdi.

«Qırımnıñ bütün rayonlarında Qurban bayramda qurbanlar çalınacaq. Eyi işler ve dualarnen musulmanlar Allahnıñ rizasını qazanmağa tırışacaqlar. Bu künü acılıqqa ketken semetdeşlerimiz Qırım ilerilemesi ve qırımtatar halqınıñ birligi içün dua etecekler. Bayram namazınıñ vaqtı – 8.30», – aytıla beyanatta.

QMDİ matbuat hızmeti bildire ki, İslâmda Qurban bayramınıñ manası ve qıymeti ğayet büyüktir. Musulmanlar camilerde bayram namazını qılalar, dua eteler, biri-birini bayramnen tebrikleyler, soñra ise qurban çalalar. Etni fuqare qorantalar, ana-babası olmağanlar, saqatlarğa, em de soy-sop ve qomşularına bereler. Bayram künleri qavğa etken adamlar barışalar, biri-birinden afu soraylar.

Qırım.Aqiqat bildirgeni kibi, Qurban bayram arfesinde Qırımda cami açılacaq.

XS
SM
MD
LG