Link açıqlığı

Litva prezidenti dünyanı Ukraina mustaqilligini Rusiyeden qorumağa çağırdı


Litva prezidenti Dalâ Gribauskayte

Litva prezidenti Dalâ Gribauskayte Rusiyeni Ukrainada «qanunğa qarşı istilâ areketlerinde» qabaatladı. Bu aqqında o BMT Baş Assambleyasında çıqışta bulunır eken bildirdi, – dep haber ete Azatlıq Radiosı.

Gribauskayte dünya toplulığını Ukraina mustaqilligini qorumağa çağırdı.

The Washington Post gazetasında sentâbr 25-te neşir etilgen intervyüsında Dalâ Gribauskayte Rusiye Ukrainada özüni «terrorist» olaraq köstere ve qomşularını qorquza, dep ayttı.

Litva prezidenti Ğarpnı Ukrainağa qol tutuv liderligi olmağanında tenqid etti.

Rusiyeniñ Qırım işğali mart ayında Litva, Latviya ve Estoniyanı qasevetke daldırdı.

Bu üç cumhuriyet 1991 senesi mustaqilligini qazandılar. Olar NATO ve Avropa Birliginiñ azaları olalar.

XS
SM
MD
LG