Latviya tışqı işler naziri Edgars Rinkeviçs Birleşken Milletler Teşkilâtınıñ (BMT) Baş Assambleyası çerçivesinde Avropa Şurasınıñ baş kâtibi Torbyern Yagland ile körüşti. Taraflar Ukrainada Rusiye istilâsından soñ aktual meseleni muzakere etip, qırımtatarlarnıñ kritik al-vaziyeti, em de separatistler zapt etken yerlerde insan aqqlarınıñ bozulmasına ayrı diqqat ayırdılar.
Bunı Latviya Cumhuriyeti tışqı işler nazirliginiñ matbuat hızmeti bildire.
Edvard Rinkeviçs Avropa Şurası Ukrainada milliy azlıq qoruması aqqında konventsiyada qayd etilgen aq-uquqlarına riayet etilmesini temin ettirmege mecbur olğanını qayd etti.
«Rusiye Ukrainanıñ bir qısmı – Qırımnı – işğal etken soñ vaziyet kerginleşti. Qırımtatarlar yaşayışnıñ er bir saasında er daim diskriminatsiyağa oğratıla», – dep ayttı nazir.
Onıñ fikirince, Avropa Şurası Rusiye tarafından işğal etilgen Qırım vaziyetine diqqatnen baqmalı.
Bundan ğayrı, nazir Rusiye kütleviy haber vastalarında tarkatılğan yañlış malümatqa da baş kâtipniñ diqqatını celp etti.
