Link açıqlığı

Qırımnıñ MREO bölükleri artıq cumaertesi künleri de çalışa


Yol areketi Devlet havfsızlıq inspektsiyasınıñ rayonlarara qayd imtian bölükleri (MREO) Qırımda nevbetler eksiltmesi maqsadında iş cedvelini deñiştirmege qarar berdiler. Krıminform malümatına köre, endiden soñ MREO bölükleri bazarertesi kününden cumaertesi kününe qadar çalışalar.

Memurlarnıñ aytqanına köre, işbu iş cedveli maşinalarnı ğayrıdan qayd etecek ve aydavcı şeadetnamelerini deñiştirecek grajdanlar içün azırlandı.

«İş künleri bazarertesi kününden cuma kününe qadar MREO saat 9.00 saat 20.00 qadar çalışa, saat 13.00 saat 14.00 qadar teneffüs. Cumaertesi künü saat 9.00 saat 17.00 qadar qabul eteler, saat 12.00 saat 13.00 qadar teneffüs», – dep qayd eteler.

Qırımnıñ öz başına ilân etilgen baş naziri Sergey Aksönov Qırım transport «nazirligi» ve içki işler «nazirligine» MREO bölüklerinde kendi naqliye vastalarını ğayrıdan resmiyleştirecek olğan adamlar nevbetleri olmasın dep, bir cedvelni azırlamağa avale etken edi.

XS
SM
MD
LG