Sentâbr 26-dan itibaren Aqyar Rusiye telefon nomeralarını aldı.
Bunı Aqyar «ükümetiniñ» saytı bildire.
«Aqyar Rusiye nomeralarına keçti. Abonentlerniñ nomeraları aynı qaldı. Aqyarnıñ yañı kodı: +7 8692», – aytıla «ükümetniñ» beyanatında.
Şimdilik Aqyardan Rusiyege telefon etmek içün böyle qaidelerge riayet etmeli: 007 – şeer kodı – telefon nomerası, Rusiyeniñ cep telefonlarına: 007 – operator kodı – telefon nomerası, Ukrainağa: 0 – şeer kodı – telefon nomerası, Qırımğa ve dünyanıñ diger memleketlerine eskisi kibi telefon etmek mümkün.
«Ükümet» saytında berilgen malümatqa köre, çaldıruv fiyatı 3.0 koeffitsiyenti ile «Ukrtelekomnıñ» Aqyar bölügi belgilegen fiyatlarına esaslana.
Ukraina ve Qırımğa telefon etmesi halqara bağ olaraq tanıla, Rusiye Federatsiyası regionlarına – şeerlerara bağ olaraq.
Sentâbr 24-ten itibaren «Ukrtelefon» Aqyarda bütün hızmetlerini toqtattı.
Bundan sebep Aqyar akimiyeti fevqulâde vaziyetni ilân etti.
Sentâbr 25-te ukrain operatorınıñ şirketi belgisiz şahslar Aqyardaki bina ve donatmalarını zapt ettiler, dep bildirdi.
