Link açıqlığı

«Simferopol» ava limanı Türkiyege halqara ava seferlerini toqtattı, dep haber etti Rusiye Qırım işleri naziriniñ muavini Andrey Sokolov RİA Novosti agentligine.

«Halqara ava seferleri şimdilik toqtatıldı. Ne sebepten olğanını aytıp olamayım, halqara ava şirketleriniñ tenbileri bardır», – dedi Sokolov.

2014 senesi iyün ayınıñ başında Rusiye ükümetiniñ reisi Dmitriy Medvedev «Simferopol» ava limanınıñ halqara ava seferleri içün açılması aqqında buyruqnı imzaladı.

İyül ayında Qırımnıñ öz başına ilân etilgen akimiyeti tarafından belgilengen birinci ava seferi Aqmescitten Türkiyege yol alıp, Anapada endi, Türkiye ava limanında Simferopol ava limanınıñ iç bir işareti olmasın dep, anda bagaj ğayrıdan qayd etildi.

«Groznıy Avia» ava şirketi avgust 11-de «Aqmescit-İstanbul» ava seferini keçirdi.

Rusiye akimiyeti bu sene sentâbr-oktâbr aylarında yerine ketirilecek Yerevan ve Antaliya ile Qırımnıñ çarter seferi aqqında ilân etken edi.

Mart ayından berli, Qırım işğalinden soñ, Aqmescit ava limanı yalıñız Rusiye ava seferlerini yolladı ve qabul etti.

XS
SM
MD
LG