Roskomnadzor Facebook, Gmail ve Twitterge Rusiyede «malümatnı tarqatuv teşkilâtçıları» olaraq qayd etilmek kerek olğanlarını bildirdi, dep yaza «İzvestiya» neşiri hızmetniñ reber muavini Maksim Ksenzovnıñ aytqanlarına esaslanıp.
Onıñ aytqanına köre, Amerika internet-servisleri Rusiye qanunlarına riayet etmese, olarnı memuriy cezalar bekley. Ekinci tenbiyelevden soñ sayt qara cedvelge kirsetile bile.
Roskomnadzorda malümatnı tarqatuv teşkilâtçıları olaraq qayd etilgen soñ bunıñ kibi sayt altı ay devamında «Rusiye Federatsiyasında ses, metin, resim ya da diger internet ağınıñ malümatını yollav, aluv, deñiştirüv aqqında malümatnı» saqlap qalmalı. İşbu talapqa riayet etilmese, 500 biñ rublelik para cezası belgilene.
Ksenzovnıñ qayd etkenine köre, Rusiyeniñ «Vkontakte», «Yandeks», Mail.Ru Group. endi qayd etildiler.
Avgust 1-den itibaren Rusiyede «Şahsiy malümat aqqında» ve «Malümat, informatsion tehnologiyalar ve malümatnı qoruv aqqında» qanun deñişmeleri işke tüşürildi. Yañı qaidelerge binaen, internet-şirketleri yarım yıl devamında qullanıcılarnıñ malümatlarını saqlap qalmaq kerekler.
