Rusiye Devlet Dumasınıñ LDPR deputatı Roman Hudâkov Roskomnadzor yolbaşçısı Aleksandr Jarovğa muracaatta bulunıp, Qırım ve Aqyar işğali aqqında «Vikipediya» internet-entsiklopediyasınıñ maqalelerini saytlarnıñ «qara cedveline» kirsetilmesini istedi, dep yaza «İzvestiya» neşiri. Onıñ deputat yazğan muracaat metnni bar eken.
Neşirniñ malümatına köre, Hudâkovnıñ muracaat sebebi yarımadanıñ Rusiye terkibine kirmesi zorbalıq tarzında keçirilgen birleştirüv aqqında maqaleler oldı.
Roskomnadzor ve «Vikipediya» memuriyetiniñ vekilleri neşirge işbu meseleni izaatlamadılar.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
