Cumaaqşamı künü, sentâbr 25-te, Ukraina baş naziri Arseniy Yatsenük AQŞ ziyaret etir eken, Birleşken Milletler Teşkilâtınıñ Baş kâtibi Pan Gi Mun ile körüşti.
Ukraina Nazirler şurasınıñ matbuat hızmeti bildire ki, ükümet yolbaşçısı Donetsk ve Lugansk vilâyetlerindeki vaziyet ep kergin qalğanını qayd etti. Rusiye tarafı ateş toqtatılması rejimini ara-sıra boza. Qırımda insan aq-uquqlarınıñ bozulması ciddiy qasevet doğura, qanunsız Rusiye akimiyet qırımtatarlarnı taqip ete.
Ukraina ükümetiniñ yolbaşçısı Baş kâtibi ile Rusiye işğali sebebinden evlerini terk etmege mecbur olğan adamlar problemleriniñ al etilmesinde BMT strukturalarınıñ faal qullanması aqqında añlaştı.
Pan Gi Mun esas mevzusı Donbassnıñ ğayrıdan tiklenmesi olacaq halqara donor konferentsiyasınıñ BMT faal iştiragini tasdıqladı.
