Ukraina prezidenti Petro Poroşenko lüstratsiya aqqında qanunnı imzalamağa niyetinde. Bunı devlet yolbaşçısı «İslâatlar strategiyası-2020» taqdim merasiminde bildirdi.
«Eminim, yañı adamlar yañı prezident ile yañı Yuqarı Rada üzerinden yañı Ukrainanı qurmaq kerekler. Eminim, işbu qanun bütünley temizlevni yekünleycek ve akimiyetni ğayrıdan tikleycek», – dep qayd etti prezident.
Prezident akimiyetniñ yañatuvına «küçlü cemaat ihtiyacı» bar olğanını qayd etti.
Petro Poroşenko sualge cevap berip, lüstratsiya aqqında Qanunnıñ tam variantını daa körmegenini ayttı. Devlet yolbaşçısı cemaat vekillerini işbu qanunnı ögrenmege ve 10 kün içinde prezidentniñ areketlerinen alâqalı fikirlerini seslendirmege çağırdı.
