Link açıqlığı

Saatnıñ esas haberi

Qırımda alil insan bir kişilik numayışqa çıqtı


İşğal etilgen Aqmescitte, Lenin meydanında, cumaaqşamı, sentâbr 25-de, qırımlı bir kişilik numayışqa çıqtı. Qırım.Aqiqat mühbiriniñ malümatına köre, adam bunı akimiyetniñ diqqatını celp etmek içün yaptı. Ellerinde o «S.V. Aksönov ile körüşüvni talap etem» degen plakatnı tuta.

Qırım.Aqiqat saytına 45 yaşında olğan Aqmescit sakini Reşat Useinov añlatqanı kibi, böyleliknen o mesken ile bağlı meseleni çezmege istey.

Reşat Useinov Aqmescitniñ geriatriçesk istiraat evinde yaşay. Onıñ aytqanına köre, bu müessisede oña, alil insan olğanı sebebinden, bir yerli oda berilmeli, faqat istiraat eviniñ yolbaşçılığı Useinovnı binadan çıqarmağa istey.

«Belkemigim sınıq. İçkici ile bir odada yaşayım, neticede daima ziddiyet ve dögüşler yüz bere. Saqat insanım, bu sebepten maña bir yerli odanı bermeliler, bu qadar. İstiraat eviniñ müdiri meni çıqarmağa istey, barıp çalışmaq kerekligimni ayta», – dey Reşat Useinov.

Adam qırım memurları ile aprelden körüşüvni beklegenini qayd etti, amma olardan yalıñız bir manaçıqlarnı eşite. Reşat Useinov, meselesi çezilmeycegine qadar, meydanğa çıqmağa niyeti olğanını bildirdi.

XS
SM
MD
LG