Qırımda Yaltadaki «Masal» ve Qarasuvbazardaki «Taygan» safari-bağçasınıñ saibi olğan Оleg Zubkovnıñ 10 ayvanı yıldırımdan öldi, dep haber ete «Krımskiy Telegraf» gazetası.
Zubkovnıñ sözlerine köre, ava vaziyetinden Yaltadaki «Masal» bağçasında 3 maymun, Qarasuvbazarnıñ safari bağçasında ise birden yedi eçki öldi.
İş adamnıñ aytqanı kibi, ayvanlar yıldırımdan ölgenler.
Sentâbr 24-ne keçer gecesi Qırımda ruzgâr ve boranlı yağmur çoq qazalarğa sebep oldı. Terek, teller qoparıldı, köyler yarıqsız qaldı.
