Link açıqlığı

Refat Çubarov: Rusiye Federatsiyası 21-nci asırda «Qırım qırımtatarlarsız» mezebini ğayrıdan tikledi


Qırımtatar halqınıñ aqlarınıñ ğayrıdan tiklenüvine ümütler Qırımnıñ işğalinden soñ yoq oldı. Bunı qırımtatar milliy Meclisiniñ reisi Refat Çubarov BMT tamır halqlarınıñ işleri boyunca halqara konferetsiyasında bildirdi.

Öz çıqışında Refat Çubarov qırımtatarlar yarımadanıñ işğali vaqtında körgen qıyınlıqları aqqında tarif etti.

«Halqara tertibatnıñ uquqiy negizi ve çoq-, eki taraflama añlaşmalarnıñ küçü yoq olmaq havfı astında olğanda, tamır halqlarnıñ aqları aqqında aytmağa qolay degil», – dedi Refat Çubarov.

«Qırımtatarlar – yarımadanıñ tamır halqı, Qırımnıñ işğaline qarşı çıqıp, şimdi havf astında qalğan bir taqım oldı. Qırım akimiyeti qırımtatarlarğa qarşı qavmiy, din menüspligi boyunca ayırımnı başladı. Ayırımlar qırımtatarlar içün havflı miqyasqa çevirile. Olarnıñ sırasında insanlarnıñ ğayıp oluvı, qırımtatar ve ukrain faaliyetçilerine ücümler, vatandaşlarnıñ evlerinde, cami, medrese, kitaphane ve mekteplerde kütleviy tintüvler ve ilâhre», – dedi Meclis reisi.

O şunı da qayd etti ki, qırım akimiyeti qırımtatar halqınıñ milliy qurumlarını – qırımtatar milliy Qurultayı ve qırımtatar milliy Meclisini yoq etmege maqsat olaraq aldı.

«Qırım ve qırımtatarlarğa nisbeten kene de, XXI asırda, Rusiye imperiyasınıñ «Qırım qırımtatarlarsız» mezebi, BMT memleket-azası olğan Rusiye Federatsiyası tarafından amelge keçirile»,– dedi Refat Çubarov.

Konferentsiya işinde iştirak etken Refat Çubarov ve Mustafa Cemilev BMTniñ tamır halqlarnıñ aqları nezareti boyunca mahsus organnıñ teşkil etüv teklifine qol tuttılar. Amma, qırımtatar halqınıñ temsilcileri qayd etkenine köre, Qırım ve qırımtatarlarnıñ şimdiki vaziyetine köre, bu organnıñ teşkil etilmesini beklemege olmay ve Qırım boyunca mahsus eyyetni teşkil etmege teklif ettiler.

XS
SM
MD
LG