Link açıqlığı

Aqmescit merkezini Rusdevtsirk terkibine kirsetmege kerek. Bu fikirni sentâbr 24 künü Rusdevtsirk müdirliginiñ azası, SSSR halq artisti İosif Kobzon bildirdi.

Bunı Qırımnıñ öz başına tayin etilgen akimiyetiniñ ruporı «Krıminform» saytı bildire.

«Aqmescit merkezi Rusdevtsirk erkânında olmalı. İşğal aqqında laflarnı malüm areketler ile toqtatmaq kerek: festival, yarış, forumlarnı keçirmek kerekmiz», – dey Kobzon.

Moskva Büyük merkeziniñ müdiri Edgard Zapaşnıy şunı qayd etti ki, Aqmescit tsirkini «umumiy tertibatqa kirsetmek kerek, aks alda çette kalacaq».

Rusdevtsirk baş müdiriniñ aytqanına köre, Aqmescit tsirkiniñ müdiri Rusiye tsirk şirketiniñ umumiy qısmına kirmege istemedi.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG