Link açıqlığı

Çarşenbe künü, sentâbr 24-de, işğal etilgen Qırımdan 150 musulman Mekkege yol aldı. Qırım musulmanları diniy idaresinde hacılarğa vizalar ile pasportlarnı, «Müslim-Tur» rusiyeli şirketi tarafından azırlağan şeylerni tarqattılar ve musulmanlar ava limanına kettiler.

Bunı Qırım musulmanları diniy idaresiniñ matbuat hızmeti bildire.

Ava limanında musulmanlarnı Qırım Müftisiniñ muaivni Ayder İsmailov, Qırım «Nazirler Şurası» reisiniñ muavini Ruslan Balbek, milletlerara munasebetlerniñ ve sürgün etilgen vatandaşlarnıñ işleri boyunca qırım komitetniñ reisi Zaur Smirnov ozğardılar.

«Bu sene qırım seyyacıları Hacılıqqa Rusiye Müftiler Şurasınıñ imtiyazları boyunca kettiler. Taşuvnı «Müslim Tur» rusiyeli turoperatorı amelge keçire. Qırım musulmanları diniy idaresi Rusiye Müftiler Şurasına, reisi şeyh Ravil Gaynutdinniñ şahsiyetinde, berilgen imtiyazlar ve hacılıqqa maqbul fiyatlar boyunca barmağa imkân bergenleri içün öz minnetdarlığını bildire», – denile beyanatta.

Qırım musulmanları içün hacnıñ fiyatı 2,5 biñ dollar tura.

Seyyalarnı Saudiya Arabistanğa Moskvadan ava naqliyatı ile alıp ketecekler. Qırımğa oktâbr 13 künü qaytmaq kerekler.

XS
SM
MD
LG