Link açıqlığı

Ukrain ombudsmeni Rusiye akimiyeti tarafından qırımtatarlarğa etilgen ayırımnıñ arttıruvını qayd ete


Qırım işğalinden soñ Rusiye Federatsiyası akimiyeti tarafından qırımtatarlarğa nisbeten qanunsız areketlerniñ ve ayırım hususiyetlerniñ arttırılması qayd etile, bunı BMT-niñ insan aqları boyunca Yuqarı komissarı çıqışınıñ muzakere etilmesinde Ukraina Yuqarı Şurasınıñ insan aqları boyunca vekâletli Valeriya Lutkovska bildirdi.

Bu aqta Ukraina ombudsmeniniñ matbuat hızmeti bildire.

«Qırım tamır halqına nisbeten ayırım ve sıqıştıruv Rusiye Federatsiyası tarafından qırımtatarlarnıñ yetekçisi Mustafa Cemilevniñ öz Vatanına kirmege aqqınıñ yasaq olğanından başlandı. Soñra ayına tarzda Qırımğa qırımtatar milliy Meclisiniñ reisi Refat Çubarovğa da kiriş yasaqlandı. Yaqında Meclis azalarına da basım köstermege başladılar. Rusiye uquq qorçalayıcı organları tarafından Meclis azalarınıñ evlerinde, medrese, cami, Meclis ofisi, «Avdet» gazetası ve «Qırım» hayriye fondında tintüvler keçirildi», – dey Lutkovskaya.

Ukraina Yuqarı Şurasınıñ insan aqları boyunca vekâletli Valeriya Lutkovska yarımadada ukrainlilerniñ avtomatik şekilde Rusiye vatandaşları olğanını da ayırım olaraq tanıy. Aqmescit SİZOsında bulunğan 400 vatandaş aqqında da hatırlattı.

Onıñ sözlerine köre, anda iç bir qanunsız areketlerni yapmağan ve Rusiye mahkemelerinde cezalanacaq Ukraina vatandaşları buluna.

Evel, Valeriya Lutkovska ve Avropa Şurasınıñ insan aqları boyunca komissarı Nils Muyjniyeks Qırımda insan aqlarınıñ nezareti boyunca iş planını tizdiler.

Lutkovska Rusiye ombudsmeni Ella Pamfilovağa qırımtatar halqı aqlarınıñ qorçalavı boyunca bütün zaruriy areketlerni yapmağa çağırdı.

XS
SM
MD
LG