Link açıqlığı

Rusiye akimiyeti Qırımnıñ 2015 senesi bücetini bir qaç yılğa uzatmağa qarar aldı. 2015 senesi Qırımnıñ inkişafı boyunca yekâne programmağa 373 milliard yerine, 100 milliard ruble ayıracaqlar.

Rusiye Maliye nazirliginiñ malümatına köre, endi aqçalarnı seneler devamında berecekler: 2016 senesi – 134,6 milliard, 2017 – 138,4 milliard.

Qırım işleri boyunca Rusiye naziriniñ muavini Andrey Sokolov qayd etkeni kibi, Maliye Nazirligi Qırımnıñ inkişafını İnvestfond boyunca keçirmek içün bu aqçanı birden bermege istey edi.

«Böyleliknen Maliye nazirligi aqçanı toplamaq istey, ileride nasıldır bir meseleler çıqsalar bile, Qırım masrafları saqlanır», – dedi o.

«İnvestfondnıñ qullanuvı boyunca ğaye muzakere etilse de, ondan vazgeçmege qarar alındı», – dediler matbuat hızmetinde.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG