Link açıqlığı

Saatnıñ esas haberi

Ukraina çetel işler nazirliginde qırımtatarlarnıñ vaziyetini «ekinci sürgünlik» olaraq adladılar


Qırımtatarlarnıñ şimdiki vaziyetini «ekinci sürgünlik» olaraq adlamaq mümkün. Bunı «112 Ukraina» telekanalınıñ efirinde Ukraina çetel işler nazirliginiñ spikeri Yevgen Perebiynis bildirdi.

O, halqnıñ liderleri Rusiye tarafından işğal etilgen Qırımğa kelip olamağanını qayd etti. Qırımtatarlarğa ayırımdan qurtarılmağa tek halqara toplulığı yardım ete bile, dep tüşüne spiker.

«Şimdi halqara toplulığı Rusiyege basımnı küçleştirse, tek o zaman qırımtatarlarğa yardım kele bile. Biz Rusiye vatandaşlıq cemaatçılığından da destekni bekleymiz», – dedi Yevgen Perebiynis.

«Bugün Rusiyeini özüni halqara qaidelerine köre alıp barmağa mecbur etmek içün halqara toplulığı bütün imkânlarnı qullanmalı», – dedi o

Ukraina çetel işler naziri şunı da bildirdi ki, «Qırım Ukrainağa qaytarılsa, tek o vaqıt qırımtatarlarnıñ meseleleri çezilir».

Qırımtatarlarnıñ taqibi işğal etilgen Qırımda adiy bir al oldı. Ev, medrese, camilerde tintüvler keçirile.

Qırımtatar halqına etilgen basım New-Yorkta keçirilgen BTM tamır halklarnıñ meseleleri boyunca konferentsiyada da muzakere etildi. Mında qırımtatarlarnıñ milliy lideri Mustafa Cemilev ve Meclis reisi Refat Çubarov da iştirak ettiler.

XS
SM
MD
LG