Sentâbr 23 künü Keriç keçitinde, «Qırım» limanında öz nevbetini 1050 maşina beklemekte.
Bunı Yekâne naqliyat müdirliginiñ matbuat hızmeti bildire.
Olğan malümatqa köre, «Kavkaz» limanında nevbet yoqtır.
«Bütün kün devamında keçitte: «Olimpiada», «İonas», «Krım», «Glykofilousa III», «Sevastopol», «Nikolay Aksenenko» paromları yüre edi. Al-azırda ava şaraitleri güzeldir, yel suratı – 11 m/s», – denile beyanatta.
Müdirlikniñ malümatına köre, keçken kün devamında keçitten 4106 maşina ve 16299 yolcu avuştırıldı.
