Qırım ateş noqtasına çevirile bile.
Bunı Facebook saifesinde Ukraina mudafaa naziri Оleksandr Danilük bildirdi.
«Rusiyege territoriya degil de, cenk kerek olğanı sebebinden Qırım yaqın zamanda ateş noqtasına çevirile bile», – dedi o.
Danilükniñ sözlerine köre, yerli akimiyet yarımadada qırımtatarlarğa sıqıştıruvnı kösterip, vaziyetni daa da kerginleşe.
«Bugün Putinniñ Qırım iqtisadiyatınen oğraşmağa ne imkânı, ne istegi yoqtır. Qırımtatarlar mayıs ayında tarikler ile rastkelgen ediler, olar ise ep devam eteler. Bu sene Rusiye Qırımda cenkni başlap, bizge yañı tarikni azırlaycaqtır», – dey o.
Qırımda qırım musulmanlarnıñ evlerinde ve oquv yurtlarında tintüvler ep keçirile. Sentâbr 16 künü Aqmescitte qırımtatar milliy Meclisinde tintüv ötkerildi.
Qırımnıñ öz başına tayin etilgen baş nazir Sergey Aksönov Rusiye matbuat vastaları ile rusiyeli akimiyetni tanımağan qırımtatarlarnı ciddiy aqibetler ile qorquta.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
