Link açıqlığı

Yalta camisinde tintüv keçirildi


Bazarertesi künü, sentâbr 22-de, Yalta şeeriniñ camisinde tintüv keçirildi.

Bunı yerli sakinler içtimaiy ağlarda bildirdiler, dep haber ete Qırım Haber Agentligi.

Tintüvni FSB hadimleri keçirdiler. Neticede Rusiye Fedratsiyasında yasaq etilgen edebiyat tutıp alındı.

«Bugün Yalta camisinde FSB tintüvni keçirdi. Rus tilinde cevap berip olamağan zavallı türk imamnı qorquttılar. Anda 5 saatten ziyade bulundılar. A. Maududi «İslâm bugün» ve «İslâm negizleri» ve Rusiye Federatsiyası «qanunında» Moskva Memorial camisiniñ imamı olğan Şamil Alâutdinovnnıñ «İman ve mükemmellik yolu» kitaplarını tutıp aldılar.

Hatırlatamız, Sentâbr 17 künü Aqmescitniñ Yağmurça qasabasında prokuratura hadimleri teşkerüvni keçirgen camide Rusiyede, şimdi ise Qırımda da yasaq olğan islâm edebiyatnıñ cedvelinden kitaplarnı tutıp aldılar.

XS
SM
MD
LG