Link açıqlığı

Saatnıñ esas haberi

Umumtatar içtimaiy merkezi Qırımnıñ tamır halqınıñ sıqıştıruvını toqtatmağa talap ete


Qırımda akimiyet tamır halq olğan – qırımtatarlarğa nisbeten sıqıştıruvnı köstere. Umumtatar içtimaiy merkezi çoq facialarnı körgen qırımtatarlarnıñ sıqıştıruvını toqtatmağa talap ete.

Bu aqta teşkilâtnıñ beyanatında aytıla.

«Akimiyetniñ areketleri sürgünlikni – qırımtatar halqına 1944 senesi yapılğan kenotsidni añdıra. O vaqıt qırımtatarlarnıñ yarısı elâk oldı. Akimiyet Meclis yetekçileriniñ siyasiy baqışlarnı begenmese bile, cemaat teşkilâtına nisbeten ayırım – cinayettir», – denile beyanatta.

Teşkilâtta Rusiye Prezidenti, Rusiye Baş prokuraturasından Qırım akimiyeti qırımtatar halqınıñ aqlanuvı aqqında Qanunnı bozmağanını ve qırımtatar milliy Meclisine qarşı etilgen siyasiy ayırım toqtatılmasını talap ettiler.

«Milliy ve diniy mensüplik boyunca qanunsız taqipke yol bergen Qırım Cumhuriyeti yolbaşçılarını mesülietke çekmege talap etemiz. Rusiye halqara uquq qoruyıcı teşkilâtlarğa muracaat etemiz – qırımtatarlarnıñ qoruyıcılarını general Grikorenko ve akademik Saharovnı hatırlañız! Qırımtatarlarğa ses beriñiz! Avropa Şurasınıñ Parlament Assambleyasını, Avropa birligi memleketlerniñ liderlerini qırımtatarlarnı akimiyetniñ areketerinden qurtarmağa çağıramız!», – denile beyanatta.

Qırımda qırım musulmanlarınıñ evlerinde ve oquv yurtlarında tintüvlerni keçirmege devam eteler. Sentâbr 16 künü tintüv qırımtatar milliy Meclisinde ötkerildi.

Qırımtatar milliy lideri Mustafa Cemilev qayd etkeni kibi, Qırımnıñ «halq imayesi» «yoq etilecek» qırımtatarlarnıñ cedvelini tizdi eken.

Qırımnıñ öz başına tayin etilgen baş naziri Sergey Aksönov Rusiye matbuat vastaları boyunca rusiyeli akimiyetni tanımağan qırımtatarlarnı cezalar ile qorquta.

XS
SM
MD
LG