BMT Baş kâtibi Pan Gi Mun bazarertesi künü Türkiye prezidenti Recep Tayyip Erdoğan ile körüşip, qırımtatar halqınıñ ve Yaqın Şarqnıñ sıcaq noqtalarındaki vaziyetini muzakere etti.
Bu aqta BMT matbuat hızmetiniñ beyanatında aytıla.
Subetdeşler Suriye ve İraqtaki vaziyetlerni incelediler, bunıñ ile İslâm devleti tarafından telükege ola bilecek halqara cevabını muzakere ettiler.
«Ukraina mevzusını, Qırımda qırımtatarlarnıñ vaziyetini ve Gazadaki vaqialarnı da muzakere ettik», – denile beyanatta.
Evel Türkiye çetel işler nazirligi qırım akimiyetniñ qırımtatarlarğa qarşı etken areketlerini takbih etti ve qırımtatar ealisiniñ qorquzuvını takbih etti.
Qırımda qırım musulmanlarınıñ evlerinde ve oquv yurtlarında tintüvlerni keçirmege devam eteler. Sentâbr 16 künü tintüv qırımtatar milliy Meclisinde ötkerildi.
Qırımtatar milliy lideri Mustafa Cemilev qayd etkeni kibi, Qırımnıñ «halq imayesi» «yoq etilecek» qırımtatarlarnıñ cedvelini tizdi eken.
Qırımnıñ öz başına tayin etilgen baş naziri Sergey Aksönov Rusiye matbuat vastaları boyunca rusiyeli akimiyetni tanımağan qırımtatarlarnı cezalar ile qorquza.
