Twitter ağında qırımtatarlarğa qol tutmaq sebebinden fleşmob keçirdiler, dep bildire gordonua.
İnterenet-qullanıcılar #StopCrimeanTatarsGenocide heştegi ile messaclarnı yazıp, yarımadada sıqıştıruvnı duyğan qırımtatarlarğa destegini köstereler.
Böyle messaclar ile işğal etilgen Qırımda qırımtatarlarnıñ taqibi meselesine diqqat celp etmege çalışırlar.
Ukraina halq deputatı Mustafa Cemilev bildirdi ki, Rusiye Federatsiyası tarafından işğal etilgen Qırımnıñ «halq imayesinde» yerli meclis vekilleriniñ ve «ğayıp olacaq» qırımtatarlarnıñ cedvellerini tizgen ekenler.
Evel Qırımnıñ öz başına tayin etilgen baş naziri Sergey Aksönov «Kоmmersant» gazetasına şunı bildirdi ki, Qırımnıñ Rusiyege qoşulması, memleket yolbaşçısınıñ tanılmaması ile bağlı areketler qanun boyunca taqip etilecek ve ğayet ciddiy mevam kösterilecek eken.
«İnsanlar arasında milletlerara zeminde ziddiyetlerni doğuracaqlarnı, nasıldır bir çare tаpıp, Qırımdan quvarım ve olar cezalarını cinaiy tertipte körerler», – dedi Aksönov.
Qırımtatar halqınıñ taqibi işğal etilgen Qırımda adiy bir şey oldı. Rusiye mahsus hızmetleri tarafından ev, mektep, medrese ve camilerde tintüvler keçirile.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
