Link açıqlığı

Celâl: Akimiyet qabaatlı olğanlarnı qıdırmaq yerinde, Meclis ile dialog qurmalı


Нариман Джеля

Qırımtatar milliy Meclisi reisiniñ muavini Nariman Celâl şimdiki Qırım akimiyetine Meclis sımasında «qabaatlı olğanlarnı» qıdırmaq yerinde, qırımtatarlarnıñ temsiliy organı ile dialognı başlamaq tevsiye etti.

«Saylavlarnıñ neticeleri, daa doğrusı olarğa qatnaşuv seviyesi belli olğanından soñra, qırımtatarlar ve qırımtatar milliy Meclisi qabaatlı çıqacağını tahmin ete edik», – dep izaatladı o Qırım.Aqiqatqa Qırımnıñ «başı» Sergey Aksönovnıñ sözlerini.

«Aksönov bu yönelişten birinci sefer keçmey, bugün akimiyetniñ öz muvafaqiyetsizlikni qırımtatarlarğa ya da qırımtatar milliy Meclisine yüklemege ıntıluvı tekrarlana. Men ise akimiyetke bu vaziyetni başqa taraftan ögrenmege tevsiye eter edim. Mecliste qabaatlı olğanlarnı qıdırmağa kerekmey, bunı yapqan nice yolbaşçılar yañlıştı. Şunıñ içün, menimce, akimiyet qırımtatar milliy Meclisi ile dialognı qurmalı ve qırım toplulığına fayda ketirecek umumiy qararlarnı almalı», – dep añlata Celâl.

Bunıñ ile tintüvler ile bağlı bugünki vaziyetni Nariman Celâl böyle izaatlay: «akimiyet içün muvafaqiyetsiz bir yoldır: bundan ne o, ne qırım toplulığı eyi bir şey körmez».

Evel Qırımnıñ öz başına tayin etilgen baş naziri Sergey Aksönov «Kоmmersant» gazetasına şunı bildirdi ki, Qırımnıñ Rusiyege qoşulması, memleket yolbaşçısınıñ tanılmaması ile bağlı areketler qanun boyunca taqip etilecek ve ğayet ciddiy mevam kösterilecek eken.

«İnsanlar arasında milletlerara zeminde ziddiyetlerni doğuracaqlarnı, nasıldır bir çare tаpıp, Qırımdan quvarım ve olar cezalarını cinaiy tertipte körerler», – dedi Aksönov.

Qırımtatar halqınıñ taqibi işğal etilgen Qırımda adiy bir şey oldı. Rusiye mahsus hızmetleri tarafından ev, mektep, medrese ve camilerde tintüvler keçirile.

XS
SM
MD
LG