Link açıqlığı

Rusiye Federatsiyası tarafından işğal etilgen Qırımnıñ «halq imayesinde» yerli meclis vekilleriniñ ve «ğayıp olacaq» qırımtatarlarnıñ cedvellerini tizdiler.

Bunı Qırım.Aqiqat saytına qırımtatar halqınıñ yetekçisi, Ukraina halq deputatı Mustafa Cemilev bildirdi.

«Bağçasaray ve Sudaq meclisleri boyunca cedveller bar… İnsanlar ya özleri ğayıp olmalı, ya da olarğa ğayıp olmağa yardım eterler», – dedi o.

Bunıñ ile Mustafa Cemilev qırımtatarlar cevap olaraq işbu «halq imayesi» vekilleriniñ cedvelini tizecegini bildirdi, amma, episi bir, Qırım tamır hаlqınıñ milliy areketi içün adetiy olğan barışıq printsipiniñ tarafdarı olacaqlar.

Sentâbr 17 künü «Qırım» Fondı»nıñ başı Riza Şevkiyevge Fondnıñ binasında bulunğan bütün qırımtatar teşkilâtları binanı terk etmege mecbur olğanı aqqında qararnı oqudılar.

Bundan evel, sentâbr 16 künü, Meclis binasında tintüvler keçirildi. Olarnıñ neticesinde qırımtatar milliy Meclis toplaşuvlarınıñ protokolları, bilgisayarlar ve Ukraina halq deptutatı Mustafa Cemilevniñ şahsiy şeyleri tutıp alındı.

Evel qayd etilgeni kibi, mahkemeciler Şmidta, 2 ve Jidkov, 40 adresi boyunca yerleşken binalarnı em de «Yıldız» mecmuasınıñ muarririyeti yerleşken ofisni qapatmağa qararını çıqardılar. Bu binalarnıñ içinde qırımtatar milliy Meclis ofisleri, «Avdet» gazetasınıñ muarririyeti ve diger teşkilâtlar buluna.

XS
SM
MD
LG