İşğal etilgen Qırımnıñ bir qaç mesken yerlerinde «Ukrtelekom» internet-bağı yoq oldı.
Qırım.Aqiqat saytına belli olğanı kibi, Ukrtelekomnıñ interneti sentâbr 19 künü Keriç, Aqyar, Gurzuf, Aqmescitte ve Saqta ğayıp oldı.
Bunıñ ile müşteriler tehnikiy yardım hızmetine telefon açıp olamaylar, – şikâyet eteler qırımlılar.
Ukrtelekomnıñ 0800 506 800 malümat hızmetiniñ avtomatik operatorı «işbu yönelişte tehnikiy problemler olğanı aqqında» bildirdi.
Bu kibi vaziyetler Qırımda endi bir qaç kere yüz berdi. Belli olğanı kibi, Aqyarda müşteriler bir qaç kün devamında internetsiz qalğan edi.
