Link açıqlığı

Mahsus itibarğa lâyıq olğan qırımtatar yerlerge Vikipediya fotoyarışında iştirak etmege teklif etile


Ukrainada «Viki itibarğa lâyıq olğan yerlerni seve 2014» halqara fotokonkursı keçirile. Bu yarışnıñ maqsadı – «Vikipediya» onlayn-entsiklopediyasında dünyanıñ bütün medeniy asabalığınıñ yadikârlıqları aqqında maqaleler içün fotolarnı toplamaq. Yarış cedveli Ukrainanıñ tarihiy-medeniy asabalığınıñ 60 biñ yadikârlığından ibarettir.

Yarışnıñ teşkilâtçıları aytqanı kibi, Ukrainada sayısı çoq olğan qırımtatar abideleri de şu cedvelge kire.

Bu sene abidelerniñ halqara fotoyarışınıñ ukrain milliy qısmı sentâbr 15 künü başlandı ve oktâbr 15-ne qadar devam etecek.

Yarışta er istegen adam iştirak ete bile. Başta Vikisladda qayd etilmek kerek. Bundan soñ rayonda mahsus itibarğa lâyıq olğan yerlerni tapıp, olarnı fotoğa keçmege ve fotolarnı oktâbr 15-ne qadar Vikisladğa yüklemek, bunıñ ile olarnıñ ID qayd etmeli. Bunıñ ile evelden yapılğan, amma daa iç bir yerde aşkâr etilmegen fotolarnı da yollamağa mümkün.

Ukrainanıñ er bir regionından eñ eyi fotolarnı yollağanlar ve eñ çoq fotolarnı yapqan müellifler bağşışlar ile taqdirlenecek.

Milliy jüri saylağan on fotoresim yarışnıñ ekinci turına keçecek. Mında halqara ğalipler belgilenecek. Eñ güzel fotosüretniñ ğalibi 2015 senesi iyün ayından Mehikoda keçirilecek Vikipediya mühbirlerniñ körüşüvinde iştirak ete bilecek.

Ukraina ile aynı vaqıtta fotoyarış Makedoniya, İsrailde de başlandı, soñ sırada yarış Rusiyede keçirilecek.

XS
SM
MD
LG