İşğal etilgen Qırımda mektep ve diger umumtasil müessiselerde yañı tintüvlerni keçirecekler. Qırım tasil «nazirliginde» şunı qayd eteler ki, yarımadanıñ şeer ve rayonlarında yerli tasil idarelerine ekstremist edebiyatnıñ ve yasaqlanğan malümatnıñ saqlanuvı boyunca teşkerüvlerni keçirecek olalar.
«Gromadske radіo» bergen malümatına köre, bu cedvelge 2442 noqta kirsetildi, olarnıñ arasında kitap, maqale, risaleler ve atta bir qaç yırnıñ metinleri bar.
«İşbu teşkerüvni mekteplerde uquq qorçalayıcı organlarnıñ hadimleri tasil idaresiniñ mütehassısları ile keçirecek. Yasaqlanğan edebiyat tapılğan olsa, onı yoq etecekler», – denile beyanatta.
Tasil «nazirlikniñ» mektübi yerli idare organlarına endi yollanıldı.
