İşğal etilgen Aqmescitte sentâbr 19 künü yerli sakinler «Life» ukrain mobil operatorınıñ bağı ile problemler olğanına şikâyet ete ediler.
Qırım.Aqiqat saytına belli olğanı kibi, bu problemler Kiyev vaqtı boyunca saat 15:00 qayd etilgen edi.
«Life» şirketi Qırım.Aqiqatqa bu malümatnı tasdiqladı.
«Olğan malümatqa köre, Qırımda tehnikiy problemler bar. Onıñ sebebini şimdi şirketimizniñ tehnikiy bölügi ögrenmege tırışa. Daa da tafsilâtlı malümatnı birazdan berermiz», – dep haber ete «Life» mobil operatorınıñ matbuat hızmetiniñ müdiri Oksana Rudük.
Şimdi olğan malümatqa binayen, bağ ile problemler tek Aqmescitte qayd etildi, işğal etilgen Qırımnıñ diger şeerlerinden bu kibi malümat kelmedi.
