Link açıqlığı

Sentâbr 18 künü, saat 17:00, Aqmescit-Canköy yolu etrafındaki Alabaş Qoñrat köyü yanında belgisiz şahıslar Qırım tamır halqlarınıñ destegi ve taqiqat fondınıñ müdiri Nadir Bekirovğa ücüm ettiler.

Bunı Qırım.Aqiqat saytına Bekirovnıñ özü bildirdi.

«Aqmescit-Kiyev» trenine yol al alğan taksini mikroavtobus blok etti.

«Taksi vastası ile Cankoyğa kete edim, çünki Kiyevge taba ketecek trenime keç qala edim. Amma yol boyu artımızdan mikroavtobus keldi, ögümizde toqtap qaldı. Taksi aydavcısı da toqtadı», – dey Bekirov.

Onıñ malümatına köre, avtobustan balaklavanı kiygen 4 insan çıqtı, taksi aydavcısını türtip çıqardılar, Bekirovnı ise topraqqa yatqızdılar, iç cebinden pasport ve telefonını aldılar. Pasportnı baqıp, birisi: «Demek, doğru», dep, pasportı ile aylanıp kettiler»,– tarif ete Bekirov ve vesiqa ve telefonsız qalıp, Aqmescitke qaytmağa mecbur olğanını bildirdi.

Bekirovnıñ añlatqanına köre, o Kiyevge New-Yorkqa yol almaq içün ketken edi. Anda sentâbr 22-23 künleri BMT Baş Assambleyasınıñ «Tamır halqlarnıñ meseleleri boyunca bütün dünya konferentsiyası» serlevalı mahsus toplaşuvı olmaq kerek edi.

«Pasportımnı tutıp alğanları sebebinden Qırımdan çıqıp olamayım, yani bu evelden tüşünip çıqarılğan bir areket olğanına eminim. Menim Baş Assambleyanıñ tamır halqlarnıñ meselelri boyunca konferentsiyasına baracağıma keder etecek oldılar. Menim mevamım belli de, onı evelki devlet, şimdiki devlet de begenmey, amma onı tek devlet küçleri degil de, türlü küçler begenmey. Şunıñ içün bu kimge elverişli olğanı aqqında bir şeyler aytmağa qıyın», – dey Bekirov.

Qırımtatar halqınıñ vekillerini taqip etüv işğal etilgen Qırımda adiy bir şey oldı.

Bu sebepten öz qasevetini bir qaç halqara teşkilâtlarnıñ vekilleri endi bildirdi.

XS
SM
MD
LG