Link açıqlığı

Saatnıñ esas haberi

Poroşenko AQŞ-da dünyanı qırımtatarlarğa qarşı etilgen cinayetler sebebinden seslenmege çağırdı


Ukraina prezidenti Petro Poroşenko dünyanı Rusiye tarafından işğal etilgen Qırımda qırımtatarlarğa nisbeten etilgen cinayetlerge diqqat etmege çağırdı.

Petro Poroşenko şunı qayd etti ki, soñki yarım yıl içerisinde Ukrainada çoq insan elâk oldı. O, Qırım işğaline qarşı çıqqan ve neticede cansız alda tapılğan qırımtatarı Reşat Ametovnı hatırlattı.

Ukraina prezidenti Ametov diktaturağa qarşı öz narazılığını bildirgenini qayd etti, haber ete Azatlıq Radiosı.

«Eminim ki, birazdan Qırım işğali keçmişte qalır. Qırımlılar onı hatırlap, cesürligini alğışlaycaqlar», – dedi Poroşenko.

Devlet başı Ukraina al-azırda esas aqları bozulayatqan qırımtatarlar ile er vaqıt birlikte olacağını bildirdi.

«Men dünya ve AQŞ-nı bu cinayetlerge seslenmege çağıram. Şimdi Qırımda ukrainliler ve qırımtatarlarnıñ aqlarını bozalar», – dedi Poroşenko.

Haber etilgeni kibi, sentâbr 18 künü ziyaret ile Petro Poroşenko AQŞ-da buluna. Amerika Kongressindeki çıqışından ğayrı, o, AQŞ prezidenti Barak Obama ile körüşecek.

Servis hatası

Oops, as you can see, this is not what we wanted to show you! This URL has been sent to our support web team to look into it immediately. Our apologies.

Onı başqa yerde tapa bilecegiñizni körmek içün qıdırıñız

XS
SM
MD
LG