Men qırımtatarı degilim, amma salı künü, Radanıñ masqaralı qapalı toplaşuvından ve Avropa parlamenti ile qısqartılğan ratifikatsiyanıñ tantanalı tasdiqlavından soñ, meni Meclis ve bütün qırımtatar halqınıñ faciası qasevetlendire edi. Olar şimdi Botoksian ile öz başına qaldılar. O gebeşnikniñ eski adetlerine köre, olarnı bastıra. Ya ne? Bütün ömür böyle yapa edi.
Mustafa Cemilev yardımcısınen beraber merdivenden eñe edi - kederli, qasevetli. Taacipli şey degil: sabadan FHH (FSB) Qırımda Meclisni sarıp, tintüv keçirdi.
Men Mustafa ağadan, ne haber bar, dep soradım.
- Tintüv keçirdiler. Men bellesem, saylavlarnıñ boykot etilmesine muvafaq olğanımız içün, pek açuvlanğandırlar.
- Ebet.
- Biz asılında bunı bekley edik .
- Yani Putin bunı bir mania kibi kördimi?
- Ebet, öyledir.
- Qırımtatar halqını, Meclisni desteklegenler bir de bir areketler yapalarmı?
- İşte, Türkiye elçihanesinen bağlandım, amerikalı elçihanesinen bağlanmağa tırışam…
Dedi ve yolunı devam etti – bir özü, ufaq boylu, amma küçlü iradeli. Bu qabartma, degil, arqadaşlar. Yüregim ale daa sızlay.
Yevgeniy Kuzmenko, mühbir
«Bloglar» rubrikasında bildirilgen tüşünceler müelliflerniñ noqtai nazarını bildirip, muarririyetnen aynı olmaması mümkün
