Rusiye tarafından işğal etilgen Qırımdan 4 biñ rusiyeli arbiy hızmetçisi qıtaiy Ukraina ile memuriy sıñırğa yaqınlaştı. Bunı sentâbr 18 künü SNBO haber agentliginiñ temsilcisi Andriy Lısenko bildirdi.
«Elimizde olğan malümatqa köre, işğal etilgen Qırımnıñ şimaliy qısmında bulunğan Rusiyeniñ aman-aman episi arbiy bölükleri, yani Ermeni Bazar, Krasnoperekopsk, Canköy mesken yerlerden şahsiy erkânnıñ 4000 arbiyi tehnika ve silâ ile qıtaiy Ukraina tarafına yaqınlaştı», – dey Lısenko.
Onıñ sözlerine köre, NATO resmiy temsilcisi Oana Lungesku şunı bildirdi ki, Rusiyeniñ Qırım yarımadasında öz arbiy bölüklerni tam şekilde yerleştirmek niyeti regionda kerginlikni arttırıp, şimdiki tınçlıqnı bozar.
SNBO haber agentliginiñ spikeri aytqanı kibi, Rusiye ava istihbaratını keçirmege devam ete.
«Bir kün içinde sıñır bekçileri üç uçaqnı qayd etti. Bir uçaq Mariupol civarında, daa ekisi vaqtınca işğal etilgen Qırım ile memuriy sıñırda köründi», – dedi Lısenko.
Yaqında Rusiye mudafaa naziri Sergey Şoygu Rusiyede «tam qıymetli» arbiy taqımını pekitmege kerek olğanını qayd etti.
