İşğal etilgen Aqmescitte mahkemeciler qırımtatar milliy Meclisni terk etip, binanı yarı gecege qadar boşatmağa avale ettiler. Bunı vaqia yerinde bulunğan Qırım.Aqiqat saytınıñ mühbiri bildire.
«Mahkemeciler Meclis binasını sentâbr 19-na qadar boşatmağa avale ettiler», – dedi Riza Şevkiyev.
Qırımtatar milliy Meclisi binasınıñ qapatıluvı arfesinde Meclis hadimleri şeylerni cıyalar.
Sentâbr 17 künü «Qırım» Fondı»nıñ başı Riza Şevkiyevge Fondnıñ binasında bulunğan bütün qırımtatar teşkilâtları binanı terk etmege mecbur olğanı aqqında qararnı oqudılar.
Bundan evel, sentâbr 16 künü, Meclis binasında tintüvler keçirildi. Olarnıñ neticesinde qırımtatar milliy Meclis toplaşuvlarınıñ protokolları, bilgisayarlar ve Ukraina halq deptutatı Mustafa Cemilevniñ şahsiy şeyleri tutıp alındı.
