Sentâbr 17 künü Krasnoperekopsksta qurulayatqan cuma camisine qubbeni yerleştirdiler.
Bunı Qırım musulmanları diniy idaresi bildirdi.
«4,5 tonna ağırlığında qubbeni yerleştirmek içün mahsus tehnika kerek oldı. Qubbeni, Çernovtsı şeerinden ketirilgen alem yaraştırdı», – denile beyanatta.
Caminiñ içine 350 insan sığa bile.
Matbuat hızmetiniñ malümatına köre, yılnıñ başından cami divarları köterile edi, merdiven ve ekinci qat quruldı.
Camini 2016 senesine qadar açmağa planlaştıralar. Camide İslâm dini, Quran ve diger diniy fenler boyunca dersler keçirilecek.
