Link açıqlığı

Tahminen on biş insan – Qırım Cümhuriyeti boyunca mahkemecilerniñ federal hızmetiniñ İdaresi hadimleri Aqmescitte Şmidta soqağı boyunca yerleşken qırımtatar milliy Meclis binasına keldi, bir qısmı binağa kirişni blok ete, kimseni kirsetmey ve yollamay.

Qırım.Aqiqat mühibiriniñ aytqanı kibi, hızmetniñ vekilleri protokolnı tizdi ve «Qırım» Fondı» hayriye teşkilâtınnı müdiri Riza Şevkiyevge, binada insanlar olğanı sebebinden, para cezasını belgilediler. Para cezasınıñ miqdarı – 50 biñ ruble. Al-azırda binada mahkemecilerden ğayrı, Meclis azaları ve hadimleri de buluna.

Meclisniñ yanında bulunğan qırımtatar milliy Qurultayınıñ Merkeziy saylav komissiyasınıñ reberi Zair Smedlâyev jurnalistlerge aytqanı kibi, bu iş boyunca mahkeme sentâbr 22 künü keçirilecek.

Sentâbr 17 künü «Qırım» Fondı»nıñ başı Riza Şevkiyevge Fondnıñ binasında bulunğan bütün qırımtatar teşkilâtları binanı terk etmege mecbur olğanı aqqında qararnı oqudılar.

Bundan evel, sentâbr 16 künü, Meclis binasında tintüvler keçirildi. Olarnıñ neticesinde qırımtatar milliy Meclis toplaşuvlarınıñ protokolları, bilgisayarlar ve Ukraina halq deptutatı Mustafa Cemilevniñ şahsiy şeyleri tutıp alındı.

XS
SM
MD
LG