«KrımSOS» işğal etilgen Qırımdan ve şarqiy Ukrainadan Kiyevge kelgenler içün ingliz tili boyunca bedava kurslar keçirilecek.
Teşkilâtta qayd etkenleri kibi, dersler kelecek aftadan başlap, Kiyevde saat 19:00 Bessarabskaya meydanı rayonında keçirilecek. Derslerge 16-dan büyük olğan insanlarnı davet eteler.
İngliz tilini bedava ögrenmege istegenler içün anketanı toldurmağa kerek.
BMT malümatına köre, Rusiye tarafından işğal etilgen Qırımdan qıtaiy Ukrainağa endi 16 biñden ziyade insan köçip keldi.
«KrımSOS» – 2014 senesi fevral 27 künü Qırım Muhtar Cumhuriyetiniñ işğali başlağanınen göñülliler tarafından teşkil etilgen leyhadır.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayal
