Link açıqlığı

«Yedinaya Rossiya» Qırım parlamentiniñ «spikeri» vazifesine Konstantinovnıñ namzetini kösterdi


İşğal etilgen Qırımda «Yedinaya Rossiya» firqasınıñ bölügi Vladimir Konstantinovnıñ namzetini Qırım «Devlet Şurası» spikeri vazifesine kösterdi. Bu qarar firqa bölüginiñ gizli rey berüv neticesinde alındı, dep haber ete İTAR-TASS.

Konferentsiyada 400 delegat iştirak etti. Rey berüvge eki namzet kösterildi – Vladimir Konstantinov ve Pötr Zaporojets. Yedinorosslar Konstantinovnı sayladı, Zaporojetske tek bir yery berildi.

LDPR regional bölügi de Konstantinovğa qol tuta.

«Konstantinovğa qol tutacaqmız, çünki onıñ aqiqiy bir itibarı bardır. Firqalar aqqında aytmayım, insan, siyasetçi, Qırım lideri olaraq itibarlı bir şahıstır. Qırım parlamentiniñ başında olmağa lâyıqtır», – dedi jurnalistlerge LDPR regional bölüginiñ reisi Sergey Şuvaynikov.

«Yedinaya Rossiya» firqasından Qırım parlamenti azaları diger siyasiy küçler ile işbirlikte bulunmağa azır, dey öz nevbetinde Vladimir Konstantinov.

XS
SM
MD
LG