Link açıqlığı

«Yedinaya Rossiya» firqası cedveli boyunca sabıq qırım parlamentiniñ deputatı olğan «Devlet şurası» reisi kâtibiyetiniñ reberi ve onıñ muavini Oksana Sergiyenko yaqında Avropa birligi bayrağı ile fotoğa çıqqan edi.

Qırım.Aqiqat saytına belli olğanı kibi, al-azırda yarımadada Rusiye tarafınıñ ğayelerini teşviq etken Sergiyenko keçken sene Frenkistannıñ paytahtı – Parijge barğanda, Avropa birligi bayrağı ile fotoğa çıqtı. Fotosüretler onıñ içtimaiy ağlardaki saifelerinde aşkâr etildi.

Olarğa köre, Sergiyenko daa bir frenkistan regionında – İl-De-Fransta bulundı.

Hatırlatamız, Sergiyeno «Delvet şurası» deputatlarınıñ sırasına qırım «yedinorossları»nıñ №13 cedveli boyunca keçti. O, Vladimir Konstantinovnıñ imayesi altında olğanını qayd eteler.

Bazar künü, sentâbrniñ 14-nde işğal etilgen Qırımda birinci kere Rusiye qanunlarına köre, «Devlet şurası», Aqyarda ise, «Şeerniñ qanun çıqarıcı toplaşuvı» akimiyet organlarına saylavlar keçti. Bunen beraber yerli akimiyet organlarna da saylavlar ötkerildi.

Ukraina baş prokuraturası, Qırım Muhtar Cumhuriyetinde qanunsız saylavlarnıñ ötkerilüvi cinayetçilik olğanını hatırlattı. Saylavlarnıñ teşkilâtçılarını 10 yılğa apiske ala bileler.

İşğal etilgen Qırımda saylavlarğa öz menfiy munasebetini Ukraina SNBO, İçki İşler Nazirligi de bildirdi.

XS
SM
MD
LG