Ukrainada AQŞ elçisi Geoffrey Pyatt sentâbr 16 künü Meclis binasında 9 saat devam etken tintüv sebebinden qasevet çeke.
Bunı o, kendi twitter saifesinde bildirdir.
«Silâlı insanlarnıñ Qırım Meclisine atılıp kirgenine şaşam. Bu vaqialarnı diqqat ile nezaret etem»,– dep yazdı o.
Belli olğanı kibi, sentâbr 16 künü Aqmescitte qırımtatar milliy Meclis binasını silâlı insanlar sarıp aldı, mında tintüv keçirildi. Qırımnıñ İçki işler nazirligi ve Taqiqat komiteti izaatlarnı bermekten vazgeçtiler.
Tintüv neticesinde qırımtatar milliy Meclis toplaşuvlarınıñ protokolları, bir qaç diniy kitap, bilgisayarlar ve Ukraina halq deputatı Mustafa Cemilevniñ şahsiy şeyleri tutıp alındı.
Meclis vekilleri bunı «içtimaiy ceetten faal olğan insanlarnıñ qorquzuvı» olaraq tanıy.
