Link açıqlığı

Saatnıñ esas haberi

Aqmescit camisine teşkerüv ile keldiler


Qırımtatarlarnıñ toplu yaşağan Yağmurça qasabasında uquq qorçalayıcılar yerli camide teşkerüvni keçireler, dep haber ete vaqia yerinde bulunğan Qırım.Aqiqat mühbiri.

Onıñ malümatına köre, camiden prokuratura temsilcisi çıqıp, jurnalistlerge «içeride teşkerüv keçirilgenini» bildirdi, amma işbu tedbir aqqında tafsilâtlı malümatnı bermedi.

«Qırımtatarlarnı cebir etmege tırışalar, eger de aynı tarzda devam etecek olsalar, politsiya hadimleri bizim evlerimizde yaşaycaq»,– dey cami teşkerüvi aqqında ögrengen yerli sakin.

Sentâbr 17 künü silâlı insanlar ile politsiya maşinıları Aqmescit civarında yerleşken Bulğanaq köyüne keldi. Silâlı şahıslar qırımtatarlarnıñ evlerinde tintüvlerni keçirmege başladı.

Qırım.Aqiqat bergen malümatına köre, saba sentâbr 16 künü qırımtatar milliy Meclis azası Eskender Bariyevniñ evinde de tintüv keçirildi, neticede onıñ bilgisayarı tutıp alındı.

Bundan soñ qırımtatar milliy Meclis binasını da sarıp aldılar, anda tintüvler keçirdiler.

Qarasuvbazar regional Meclisiniñ reisi Mustafa Asabanıñ evinde de tintüvler keçirildi, bundan soñ onı sorğuğa alıp kettiler.

XS
SM
MD
LG