Link açıqlığı

NATO sentâbr 14 künü Rusiye tarafından işğal etilgen Qırımda keçirilgen «saylavlar»nı tanımay. Bu aqta Alyansnıñ baş kâtibi Anders Fogh Rasmussenniñ beyanatında aytıla, dep haber ete UNİAN.

«Sentâbr 14 künü Ukrainanıñ muhtar cumhuriyeti – Qırımda keçirilgen saylavlarnı tanımay», – denile beyanatta.

Gensek şunı qayd etti ki, NATO alâ daa Rusiye tarafından Qırımnıñ qanunsız işğalini ve Ukraina şarqındaki vaziyetniñ kerginleşmesini takbih ete.

«Biz Rusiyeni Qırımnıñ qanunsız işğalini toqtatmağa çağıramız, biz onı tanımaymız ve tanımaycaqmız. Ukraina mustaqilliginiñ ve bütünliginiñ tarafdarları olamız», – dedi Anders Fogh Rasmussen.

Belli olğanı kibi, Rusiye tarafından işğal etilgen Qırımda sentâbr 14 künü qanunsız saylavlar keçti. Bundan soñ Avropa birligi «Rusiye Federatsiyası tarafından Qırım Muhtar Cumhuriyetiniñ ve Aqyar şeeriniñ qanunsız işğalini takbih etkenini» bildirdi.

AQŞ da Qırımda regional ve yerli saylavlarnıñ qanuniy olğanını saymay.

XS
SM
MD
LG