Link açıqlığı

Saatnıñ esas haberi

Putinniñ doğğan künü Rusiyede Qırım basqıncısınıñ künü ola bile: Nezaketli insanlarnıñ künü


Rusiye devlet dumasına yañı hatıra kününiñ belgilenmesi boyünca qanun leyhasını berdiler: «Oktâbr 7 künü – Rusiye nezaketli insanlarınıñ künü». Teşebbüsniñ müellifi «Spravedlivaya Rossiya» firqasınıñ deputatı İgor Zotov oldı, – dep haber ete İTAR-TASS.

İşbu ğaye 2014 senesi Qırım baariniñ tarihiy vaqialarında müim rol oynağanlarnıñ şerefine peyda oldı, dep yaza deputat.

«Qırım yarımadasınıñ sakinleri alâ daa maskalı insanlarnıñ «sakin qaramanlığını» hatırlaylar. Bütün dünya tek olarnıñ közlerini kördi – merametli, tınç ve tüşünceli. Nazarları ciddiy ve emin edi, aq yolu ile ketken insanlarnıñ baqışı. Nezaketli insanlar barışıq ile adım ete ediler. Vatandaşlarğa işanç ve havfsızlıq duyğularnı bağışladılar»,– dedi Zotov.

Rusiye Devlet dumasınıñ deputatı aytqanı kibi, «nezaketli insanlar» yalıñız «Qırım sakinlerine iradeniñ serbest bildirüvini temin etkenler degil de, Rusiye Silâlı quvetleriniñ timsalleridir».

O, oktâbr 7 künü Rusiye prezidenti Vladimir Putinniñ doğğan künü olğan aqqında da hatırlattı.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG