Link açıqlığı

Qırımnıñ saylav komissiyası «Devlet şurası»na keçirilgen «saylavlar»nıñ resmiy neticelerini ilân etti.

Bu aqta Qırım saylav komissiyasınıñ saytında bildirile.

Olğan malümatqa köre, Qırımnıñ saylav komissiya toplaşuvı sentâbr 16 künü saat 2:00 (Moskva vaqtı boyunca) keçirildi.

«Qırım cumhuriyetiniñ saylav komissiyası Qırım Cumhuriyeti Devlet Şurasınıñ deputat saylavlarınıñ neticelerini doğru olaraq qabul etmege qarar aldı»,– denile beyanatta.

Böyleliknen, saylav komissiya malümatına köre, Qırımnıñ «Devlet şurasına» 75 deputat saylanıldı.

«Yedinaya Rossiya» qırım regional bölügi 70 mandatnı qazandı, LDPR Siyasiу firqasınıñ qırım regional bölügi ise 5 mandatnı qazandı, denile beyanatta.

Saylav komissiya malümatına köre, saylavlardan qayd etilgen saylayıcılarnıñ 53,61% iştirak etti.

Bazar künü, sentâbrniñ 14-nde işğal etilgen Qırımda birinci kere Rusiye qanunlarına köre, «Devlet şurası», Aqyarda ise, «Şeerniñ qanun çıqarıcı toplaşuvı» akimiyet organlarına saylavlar keçti. Bunen beraber yerli akimiyet organlarna da saylavlar ötkerildi.

Ukraina baş prokuraturası, Qırım Muhtar Cumhuriyetinde qanunsız saylavlarnıñ ötkerilüvi cinayetçilik olğanını hatırlattı. Saylavlarnıñ teşkilâtçılarını 10 yılğa apiske ala bileler.

İşğal etilgen Qırımda saylavlarğa öz menfiy munasebetini Ukraina SNBO, İçki İşler Nazirligi de bildirdi.

Qırımtatar milliy meclisi ve qırımtatarlarnıñ bir sıra teşkilâtçıları vatandaşlarnı saylavlarnı boykot etmege çağırğan edi.

XS
SM
MD
LG