Link açıqlığı

Qırımnıñ İçki işler nazirliginiñ sentâbr 16 künü Aqmescitte yerleşken qırımtatar milliy Meclis binasında olğan tintüvge alâqası yoq.

Bunı Qırım.Aqiqat saytına nazirlikniñ matbuat hızmeti bildirdi.

«Mecliste olayatqanı boyunca izaat bermeymiz, çünki bu Taqiqat komitetiniñ vazifesi, anda muracaat etiñiz»,– dediler İçki işler nazirliginde.

Amma Taqiqat komiteti de bu vaqia boyunca malümat bermey. Qırım.Aqiqat saytına telefon vastası boyunca Mecliste olayatqan tintüv ile bağlı ayretlerini bildirdiler, soñra ise «bu sebepten iç bir izaat bermeycekleri»ni ayttılar.

Qırım.Aqiqat bergen malümatına köre, saba sentâbr 16 künü qırımtatar milliy Meclis azası Eskender Bariyevniñ evinde de tintüv keçirildi, neticede onıñ bilgisayarı tutıp alındı.

Bundan soñ qırımtatar milliy Meclis binasını da sarıp aldılar, anda şimdi tintüvler keçirile.

Qarasuvbazar regional Meclisiniñ reisi Mustafa Asabanıñ evinde de tintüvler keçirildi, bundan soñ onı sorğuğa alıp kettiler.

XS
SM
MD
LG